Rossiya prezidenti Vladimir Putin qozog‘istonlik hamkasbi Nursulton Nazarboyevni Aleksandr Nevskiy ordeni bilan taqdirlash haqida farmon imzoladi, deya xabar bermoqda “RIA Novosti”.
Aleksandr Nevskiy ordeni davlat qurilishidagi shaxsiy xizmatlari, ko‘p yillik halol mehnati va xizmat majburiyatlarini bajarishda ko‘rsatilgan yuqori natijalar, Rossiyaning xalqaro obro‘si va mudofaa qobiliyatini mustahkamlash, iqtisodiyot, ilm-fan, ta’lim, madaniyat, san’at va sog‘liqni saqlashni rivojlantirishga qo‘shgan hissasi uchun beriladi.
Bu orden bilan jami 97 kishi taqdirlangan bo‘lib, ular orasida Belarus prezidenti Aleksandr Lukashenko, kosmonavt Valentina Tereshkova, mudofaa vaziri Sergey Shoygu bor.
Izoh (0)