O‘zbekiston Respublikasi Savdo-sanoat palatasi xodimi Mirzayev Sayidaziz Saidkarimovich tomonidan internet, SMS, GPRS, smart va mobil telefonlar uchun “E-Market” dasturi ishlab chiqildi, deb xabar beradi O‘zbekiston Respublikasi Intellektual mulk agentligi.
U aholiga qo‘shimcha xizmatlar ko‘rsatish maqsadida real vaqt rejimida har xil turdagi tovarlar va xizmatlar uchun to‘lovlarni amalga oshirish imkoniyati bilan elektron tijorat ishlarini olib borish uchun mo‘ljallangan.
“E-Market”dan axborot texnologiyalari, telekommunikatsiyalar sohasida foydalaniladi. Dastur SMS-xabar jo‘natib, internet tarmog‘i, SMS, GPRS, smart va mobil telefonlar orqali har xil turdagi tovarlar va xizmatlar uchun to‘lovlarni amalga oshirish imkonini beradi.
Muallifga mazkur dastur uchun № DGU 03030 raqamli guvohnoma berildi.
Izoh (0)