Ўзбекистон Республикаси Савдо-саноат палатаси ходими Мирзаев Сайидазиз Саидкаримович томонидан интернет, SMS, GPRS, смарт ва мобил телефонлар учун «E-Market» дастури ишлаб чиқилди, деб хабар беради Ўзбекистон Республикаси Интеллектуал мулк агентлиги.
У аҳолига қўшимча хизматлар кўрсатиш мақсадида реал вақт режимида ҳар хил турдаги товарлар ва хизматлар учун тўловларни амалга ошириш имконияти билан электрон тижорат ишларини олиб бориш учун мўлжалланган.
«E-Market»дан ахборот технологиялари, телекоммуникациялар соҳасида фойдаланилади. Дастур SMS-хабар жўнатиб, интернет тармоғи, SMS, GPRS, смарт ва мобил телефонлар орқали ҳар хил турдаги товарлар ва хизматлар учун тўловларни амалга ошириш имконини беради.
Муаллифга мазкур дастур учун № DGU 03030 рақамли гувоҳнома берилди.
Изоҳ (0)