Checheniston rahbari Ramzon Qodirov AQSH va Buyuk Britaniyaning FIFAga nisbatan harakatlarini 2018-yili Rossiyada o‘tkaziladigan futbol bo‘yicha jahon chempionatini yo‘qqa chiqarishga qaratilgan ig‘vo, deb hisoblaydi. Bu haqda “TASS” xabar bermoqda.
Qodirovning fikricha, FIFAni “Vashington va Londonning qo‘lidagi qo‘g‘irchoqqa aylantirishdan naf chiqmaydi”. “Bizning milliy yetakchimiz bunday qoidalar bo‘yicha o‘ynamaydi, uning uchun sport, millionlab ishqibozlar va butun dunyo futbolchilari manfaatlari muhimroqdir. Jahon xalqlari buni ochiq ko‘rib turishibdi va shuning uchun ham uni qo‘llab-quvvatlashmoqda”, - dedi Checheniston rahbari.
“AQSH va Angliyaning Rossiyada bo‘ladigan JCH-2018ni yo‘qqa chiqarishni maqsad qilgan ochiq-oydin va vijdonsiz ig‘vosi qaqshatqich mag‘lubiyatga uchradi. Londondagilar hali ham Blatter bir yildan ortiqqa bormasligi, Rossiyadagi chempionatni esa boykot qilish kerakligi haqida gapirishdan uyalishmayapti. Bekorga ovora bo‘lasiz, janoblar! Siz istagancha valdirashingiz mumkin, Rossiya esa chempionatni baribir qabul qiladi va munosib o‘tkazadi”, - dedi Ramzon Qodirov.
Izoh (0)