Чеченистон раҳбари Рамзон Қодиров АҚШ ва Буюк Британиянинг ФИФАга нисбатан ҳаракатларини 2018 йили Россияда ўтказиладиган футбол бўйича жаҳон чемпионатини йўққа чиқаришга қаратилган иғво, деб ҳисоблайди. Бу ҳақда ТАСС хабар бермоқда.
Қодировнинг фикрича, ФИФАни «Вашингтон ва Лондоннинг қўлидаги қўғирчоққа айлантиришдан наф чиқмайди». «Бизнинг миллий етакчимиз бундай қоидалар бўйича ўйнамайди, унинг учун спорт, миллионлаб ишқибозлар ва бутун дунё футболчилари манфаатлари муҳимроқдир. Жаҳон халқлари буни очиқ кўриб туришибди ва шунинг учун ҳам уни қўллаб-қувватлашмоқда», - деди Чеченистон раҳбари.
«АҚШ ва Англиянинг Россияда бўладиган ЖЧ-2018ни йўққа чиқаришни мақсад қилган очиқ-ойдин ва виждонсиз иғвоси қақшатқич мағлубиятга учради. Лондондагилар ҳали ҳам Блаттер бир йилдан ортиққа бормаслиги, Россиядаги чемпионатни эса бойкот қилиш кераклиги ҳақида гапиришдан уялишмаяпти. Бекорга овора бўласиз, жаноблар! Сиз истаганча валдирашингиз мумкин, Россия эса чемпионатни барибир қабул қилади ва муносиб ўтказади», - деди Рамзон Қодиров.
Изоҳ (0)