FIFAning amaldagi prezidenti Yozef Blatter Syurixdagi kongressda mazkur lavozimga navbatdagi marta qayta saylandi, deb xabar qiladi “Uff.uz”.
FIFAni 1998-yildan buyon boshqarib kelayotgan Blatter beshinchi bor bu lavozimga qayta saylandi. Uning bu galgi saylovdagi yagona raqibi Iordaniya shahzodasi Ali bin Al Hussayn bo‘ldi.
Birinchi turdan so‘ng Blatter 133, shahzoda Ali esa 73 ovozga ega bo‘lgan edi. Birinchi turda Blatterga g‘alaba uchun yettita ovoz kamlik qildi.
Birinchi tur natijalari ma’lum bo‘lgach, shahzoda Ali saylovdan o‘z nomzodini olishga qaror qildi. Shu tariqa Blatter saylovda g‘alaba qozondi va yana 4 yil davomida Xalqaro futbol tashkilotiga rahbarlik qiladi.
Izoh (0)