ФИФАнинг амалдаги президенти Йозеф Блаттер Цюрихдаги конгрессда мазкур лавозимга навбатдаги марта қайта сайланди, деб хабар қилади «Uff.uz».
ФИФАни 1998 йилдан буён бошқариб келаётган Блаттер бешинчи бор бу лавозимга қайта сайланди. Унинг бу галги сайловдаги ягона рақиби Иордания шаҳзодаси Али бин Ал Ҳуссайн бўлди.
Биринчи турдан сўнг Блаттер 133, шаҳзода Али эса 73 овозга эга бўлган эди. Биринчи турда Блаттерга ғалаба учун еттита овоз камлик қилди.
Биринчи тур натижалари маълум бўлгач, шаҳзода Али сайловдан ўз номзодини олишга қарор қилди. Шу тариқа Блаттер сайловда ғалаба қозонди ва яна 4 йил давомида Халқаро футбол ташкилотига раҳбарлик қилади.
Изоҳ (0)