28-may kuni O‘zbekiston Davlat Konservatoriyasining konsertlar zali el suygan san’atkorlar, taniqli jurnalistlar, bir so‘z bilan aytganda, san’at ixlosmandlarini o‘z bag‘riga chorladi. O‘zbekiston xalq artisti Nasiba Abdullayevaning ijodiga befarq bo‘lmagan asl muxlislar katta zalga jam bo‘ldi, deb xabar qiladi “Popcorn.uz”.
Sharq kuy-qo‘shiqlaridan iborat konsert dasturi ko‘proq do‘stlar davrasidagi samimiy ijodiy kechaga aylandi. San’atkorning ta’kidlashicha, dastur aynan qadrdon do‘stlar va uning ijodiga bir necha yillardan buyon oshufta bo‘lgan muxlislar uchun taqdim etildi.
Ketma-ket taralgan hammaga tanish qo‘shiqlarni tomoshabinlar jo‘r bo‘lib kuyladi. Nafaqat o‘zbek, balki ozarbayjon tilidagi kompozitsiyalar ham muxlislar qalbini zavqqa to‘ldirdi.
Izoh (0)