28 май куни Ўзбекистон Давлат Консерваториясининг концертлар зали эл суйган санъаткорлар, таниқли журналистлар, бир сўз билан айтганда, санъат ихлосмандларини ўз бағрига чорлади. Ўзбекистон халқ артисти Насиба Абдуллаеванинг ижодига бефарқ бўлмаган асл мухлислар катта залга жам бўлди, деб хабар қилади «Popcorn.uz».
Шарқ куй-қўшиқларидан иборат концерт дастури кўпроқ дўстлар даврасидаги самимий ижодий кечага айланди. Санъаткорнинг таъкидлашича, дастур айнан қадрдон дўстлар ва унинг ижодига бир неча йиллардан буён ошуфта бўлган мухлислар учун тақдим этилди.
Кетма-кет таралган ҳаммага таниш қўшиқларни томошабинлар жўр бўлиб куйлади. Нафақат ўзбек, балки озарбайжон тилидаги композициялар ҳам мухлислар қалбини завққа тўлдирди.
Изоҳ (0)