Ukraina bir qator islohotlarni o‘tkazish sharti bilan Yevropa Ittifoqining 1,8 milliard yevro miqdoridagi yordamini qo‘lga kiritishi mumkin bo‘ladi. EuroIntegration.com.ua’ning xabar berishicha, dastlabki, 600 million yevro miqdoridagi transh qo‘shimcha tekshiruvlarsiz taqdim etiladi.
Keyingi ikki transhni olish uchun esa Ukraina hukumati islohotlarni muvaffaqiyatli tarzda o‘tkazayotganini ko‘rsatib bera olishi kerak. Xususan, hukumat sentyabr oyida 2016-yilgi davlat byudjeti loyihasin Oliy Radaga taqdim etishi, shundan so‘ng uni internetda e’lon qilishi kerak.
Bundan tashqari, Ukraina hukumati davlat xaridlarining shartlari va borishi haqidagi axborotlarni muntazam e’lon qilib borishi, shuningdek, elektron savdolar tizimini joriy etishi kerak.
Qo‘shimchasiga, Yevropa Ittifoqi Ukraina hukumatidan davlat xizmati sohasida ham keskin islohotlar o‘tkazishni talab qilmoqda. Shu bilan birga, Ukraina hukumati har oy Yevrokomissiyaga makroiqtisodiy vaziyat, resurslar va qarzdorlik hajmi, shuningdek, islohotlarning borishi haqida axborot berishi kerak.
Izoh (0)