“Xayr, maktabim” qo‘shig‘i yangi talqinda kuylanadi

Afsonaviy deb ta’riflanadigan “Setora” guruhining ilk yakkaxonlaridan faqat Laylo o‘zining ijodini davom ettirmoqda.

Leyli taxallusi bilan ish boshlagan xonanda shu kungacha bir nechta ijodiy ishlari bilan ko‘zga ko‘rindi. Ayni kunlarda esa xonanda Ravshan Sobirov bilan hamkorlikda “Xayr, maktabim” nomli duetini yangicha talqinda kuylashni rejalashtirgan, deb xabar qiladi “Darakchi” gazetasi.

“Ravshanning taklifiga hech ikkilanmay rozi bo‘ldim. Sababi, bu nafaqat bitiruvchilarning sevimli madhiyasiga aylangan, balki o‘zimizning ham eng sevimli qo‘shiqlarimizdan biridir”, — deydi Leyli ushbu ijod namunasiga izoh berib.

25-may arafasida premyera qilinishi mo‘ljallangan qo‘shiqqa xonandalar qayta klip ham suratga olmoqchi. Bu yangilik 2015-yil bitiruvchilariga haqiqiy sovg‘a bo‘lsa, ajabmas.