Афсонавий деб таърифланадиган «Сетора» гуруҳининг илк яккахонларидан фақат Лайло ўзининг ижодини давом эттирмоқда.
Лейли тахаллуси билан иш бошлаган хонанда шу кунгача бир нечта ижодий ишлари билан кўзга кўринди. Айни кунларда эса хонанда Равшан Собиров билан ҳамкорликда «Хайр, мактабим» номли дуэтини янгича талқинда куйлашни режалаштирган, деб хабар қилади «Даракчи» газетаси.
«Равшаннинг таклифига ҳеч иккиланмай рози бўлдим. Сабаби, бу нафақат битирувчиларнинг севимли мадҳиясига айланган, балки ўзимизнинг ҳам энг севимли қўшиқларимиздан биридир», — дейди Лейли ушбу ижод намунасига изоҳ бериб.
25 май арафасида премьера қилиниши мўлжалланган қўшиққа хонандалар қайта клип ҳам суратга олмоқчи. Бу янгилик 2015 йил битирувчиларига ҳақиқий совға бўлса, ажабмас.
Изоҳ (0)