Respublika neyroxirurgiya ilmiy markazida O‘zbekiston bo‘yicha birinchi marta bolalar serebral falajlanishi (BSF) bilan og‘rigan bemor bolalarda jarrohlik amaliyoti o‘tkazildi. Avvallari bu amaliyot faqat Yevropa va Osiyoning yetakchi davlatlari va AQSHda o‘tkazilar edi, deya xabar bermoqda Uzbekistan Today.
Har yili O‘zbekistonda 800tagacha mazkur kasallikning yangi holati qayd etiladi. 18 yoshgacha bo‘lgan bemorlarning umumiy soni esa 40 ming nafarga yetgan.
Bolalar serebral falajlanishi harakat apparati buzilishi bilan bog‘liq bo‘lib, bemor qo‘l-oyoqlari va butun tanasini chegaralangan imkon darajasida harakatlantirish bilan bog‘liq og‘irlikdan qiynaladi.
Tibbiyot hamisha bunday bemorlarga ularning harakatlanishini yaxshilashga yordam beruvchi jarrohlik amaliyoti bilan ko‘maklashishga harakat qilgan. Shunday operatsiyalardan biri “orqa selektiv rizotomiya” bo‘lib, endi bu amaliyot O‘zbekistonda ham tatqib qilinmoqda.
Respublika neyroxirurgiya ilmiy markazi mutaxassislari birinchilardan bo‘lib bu texnologiyani qo‘llashdi. Operatsiyaning mohiyati patologik jarayonda ishtirok etayotgan orqa miyadagi sezgi tolalarining kesishishini to‘xtatishdan iborat. Jarrohlik aralashuvi maxsus tibbiy apparaturalar nazorati ostida asab to‘qimalari va mushaklarning harakat qobiliyatini nazorat qiladi.
Bu amaliyotning birinchi bemori to‘qqiz yoshli Kamoliddin bo‘ldi. Operatsiya muvaffaqiyatli o‘tdi. Shifokorlar bemorning qadam olishi yaxshilanishiga erishishdi, BSF oqibatida rivojlanuvchi nuqsonlarning katta qismini bartaraf etishdi.
Izoh (0)