Республика нейрохирургия илмий марказида Ўзбекистон бўйича биринчи марта болалар церебрал фалажланиши (БЦФ) билан оғриган бемор болаларда жарроҳлик амалиёти ўтказилди. Авваллари бу амалиёт фақат Европа ва Осиёнинг етакчи давлатлари ва АҚШда ўтказилар эди, дея хабар бермоқда Uzbekistan Today.
Ҳар йили Ўзбекистонда 800тагача мазкур касалликнинг янги ҳолати қайд этилади. 18 ёшгача бўлган беморларнинг умумий сони эса 40 минг нафарга етган.
Болалар церебрал фалажланиши ҳаракат аппарати бузилиши билан боғлиқ бўлиб, бемор қўл-оёқлари ва бутун танасини чегараланган имкон даражасида ҳаракатлантириш билан боғлиқ оғирликдан қийналади.
Тиббиёт ҳамиша бундай беморларга уларнинг ҳаракатланишини яхшилашга ёрдам берувчи жарроҳлик амалиёти билан кўмаклашишга ҳаракат қилган. Шундай операциялардан бири «орқа селектив ризотомия» бўлиб, энди бу амалиёт Ўзбекистонда ҳам татқиб қилинмоқда.
Республика нейрохирургия илмий маркази мутахассислари биринчилардан бўлиб бу технологияни қўллашди. Операциянинг моҳияти патологик жараёнда иштирок этаётган орқа миядаги сезги толаларининг кесишишини тўхтатишдан иборат. Жарроҳлик аралашуви махсус тиббий аппаратуралар назорати остида асаб тўқималари ва мушакларнинг ҳаракат қобилиятини назорат қилади.
Бу амалиётнинг биринчи бемори тўққиз ёшли Камолиддин бўлди. Операция муваффақиятли ўтди. Шифокорлар беморнинг қадам олиши яхшиланишига эришишди, БЦФ оқибатида ривожланувчи нуқсонларнинг катта қисмини бартараф этишди.
Изоҳ (0)