O‘zbekistonga tashrif buyurgan Indoneziya Respublikasi parlamenti Mintaqalar vakillari kengashi raisi Irman Gusman rahbarligidagi delegatsiya a’zolari 21-may kuni O‘zbekiston Respublikasi Oliy Majlisi Senati raisi Nig‘matilla Yo‘ldoshev bilan uchrashdi, deya xabar bermoqda O‘zA.
Muloqot chog‘ida O‘zbekiston bilan Indoneziya o‘rtasidagi aloqalar ko‘plab jabhalarda, jumladan, parlamentarizm sohasida izchil rivojlanib borayotgani alohida ta’kidlandi.
Uchrashuvda tomonlar parlamentlararo hamkorlikni mustahkamlash, iqtisodiyot va sayyohlik sohalaridagi aloqalarni faollashtirish masalalarini muhokama qildi. Mehmonlar O‘zbekistonda huquqiy demokratik davlat barpo etish, qonun ustuvorligini ta’minlash, parlament vakolatlarini kengaytirish borasida amalga oshirilayotgan islohotlar samaralariga yuksak baho berdi.
Indoneziya delegatsiyasi a’zolari O‘zbekiston Jahon iqtisodiyoti va diplomatiya universitetiga tashrif buyurdi. Hazrati Imom majmuida amalga oshirilgan ulkan bunyodkorlik va obodonlashtirish ishlari bilan tanishdi.
Izoh (0)