Olma-Ota tumani klinik kasalxonasi tug‘ruq bo‘limi xodimlari tashlab ketilgan chaqaloqlarni sotib, pul ishlayotgani ma’lum bo‘ldi, deya xabar bermoqda “Time.kz”. Bunday ma’lumot Olma-Ota shahar ichki ishlar bo‘limiga o‘tgan yilning kuzidayoq kelib tushgan.
Tezkor-qidiruv tadbirlari natijasida bu haqiqat ekanligi aniqlandi. Joriy yil boshida ushbu “biznes” tashkilotchilari birin-ketin hibsga olindi. Sotuvchilik bilan uch ayol — tug‘ruqxona xodimalari shug‘ullangani ma’lum bo‘ldi.
Ulardan har birining o‘z vazifasi bo‘lgan: biri chaqalog‘idan voz kechmoqchi bo‘lgan homiladorlarni topib, bolani davlatga emas, ularga berishga ko‘ndirib, evaziga pul taklif qilgan. Ikkinchisi xaridor topib kelgan bo‘lsa, uchinchi ayol chaqaloq uchun hujjat tayyorlash bilan shug‘ullangan.
Ayollarga nisbatan Qozog‘iston Jinoyat kodeksining “Voyaga yetmaganlarni sotish” moddasiga muvofiq jinoiy ish qo‘zg‘atildi.
Izoh (0)