KXDR yetakchisi Kim Chen Inning akasini 20-may, chorshanba kuni taniqli rok musiqachisi Erik Kleptonning Londondagi konsertida ko‘rishdi, deya xabar bermoqda “TASS” Yaponiya OAVlariga tayanib.
Ayni paytda 34 yoshda bo‘lgan, hayoti haqida ko‘p narsa ma’lum bo‘lmagan Kim Chen Chxolni TBS telekanali operatori yashirin ravishda konsert zali xollida suratga olgan. KXDR yetakchisining akasiga bir qiz hamrohlik qilgan, uning o‘zi futbolka, qora shim va charm kurtkada bo‘lgan.
Nashr ta’kidlashicha, 2006 va 2011-yillarda Kim Chen Chxolni Germaniya va Singapurda ko‘rishgan — u har ikkala safar ham Kleptonning konsertida bo‘lgan.
Kim Chen Chxol KXDRning sobiq va marhum yetakchisi Kim Chen Irning o‘rtancha o‘g‘lidir. Taxt unga emas, ukasi Kim Chen Inga berilganidan buyon u haqda deyarli hech narsa ayon etilmaydi.
Izoh (0)