Bishkekdagi xiyobonga 3D-o‘rindiqlar o‘rnatildi

Qirg‘iziston poytaxti Bishkek shahrida 3D-suratlar chizilgan o‘rindiq va axlat qutilari o‘rnatildi, deb xabar qiladi “Knews.kg”.

Yosh Gvardiya xiyobonidagi 6 ta o‘rindiq va 4 ta axlatdon duradgor, rassom va ko‘ngillilar ishtirokida qayta ta’mirlandi va bezatildi.

Ushbu loyiha shahar madaniyatini oshirishga qaratilgan. Loyiha tashkilotchilari bog‘ning yangi dizayni kelajakda o‘rindiqlarga zarar yetkazilishining oldini olishiga ishonmoqda.

Shahar aholisi va hukumatni jamoat joylarini qayta tiklash hamda ularni avaylashga chaqirish uchun loyiha ishtirokchilari endi media mahsulotlar chiqarishni rejalashtirmoqda.