Malayziya yarimorol qismining janubi-sharqiy qirg‘oqlarida Boliviyaga tegishli kema halokatga uchraganidan so‘ng kamida 14 kishi bedarak yo‘qoldi, deb xabar qiladi “RIA Novosti”.
“Kemaga katta to‘lqinlar bir necha marta urilgan, shundan keyin u ag‘darilib ketgan”, — dedi Malayziya dengiz politsiyasi vakili kapitan Amran Daud.
Qum qazib olishga mo‘ljallangan Ocean Line 208 kemasi Malayziyaning Pengerang bandargohiga yo‘l olayotgandi. Uning bortida 15 kishi bo‘lgan, ularning aksar qismi Xitoy fuqarolaridir. Shu atrofda suzib yurgan kema bortdan tushib ketgan bir kishini qutqarib qoldi. Kemaning boshqa a’zolarini qidirish ishlariga kemalar va aviatsiya jalb etildi.
Daudning so‘zlariga ko‘ra, hodisa yuz bergan hududda hukm surayotgan noqulay ob-havo qidiruv-qutqaruv ishlarini murakkablashtirmoqda.
Izoh (0)