Janubiy Koreya shifokorlari so‘nggi ikki kun ichida YSHRS-KoV – Koronavirus tomonidan kelib chiqqan Yaqin Sharq respirator sindromi bilan kasallangan uchinchi bemorni ro‘yxatga olishdi. Bu haqda “RIA Novosti” xabar bermoqda.
“So‘nggi holatda virus avvalroq MERS (YSHRS-KoV) bilan zararlangan bemor bilan bir palatada yashagan 76 yoshli erkakda qayd etildi”, - deyiladi Janubiy Koreya kasalliklarni nazorat qilish va oldini olish boshqarmasi xabarida.
Qayd etishlaricha, chorshanba kuni 76 yoshli erkakning harorati keskin ko‘tarilgan. Avvalroq shifokorlarning uning 68 yoshli turmush o‘rtog‘i ham mazkur virus bilan kasallanganini tasdiqlashgan edi.
Umuman, Jahon sog‘liqni saqlash tashkiloti (JSST) shu vaqtgacha MERS-CoV bilan zararlanish holatlarining 1116tasini aniqlagan bo‘lib, 423 holatda virusni yuqtirib olgan odamlar halok bo‘lgan. JSST hozircha kasallik aniqlangan mamlakatlarda odamlarning harakatlanishlarini cheklash bo‘yicha tavsiya bergani yo‘q.
Yangi koronavirusli infeksiya ilk bor 2012-yili Saudiya Arabistonida qayd etilgandi. Virus kamida to‘qqiz mamlakatni – Saudiya Arabistoni, Qatar, Iordaniya, Fransiya, Germaniya, Buyuk Britaniya, BAA, Tunis va Italiyani qamrab olgan.
Virus gripp kabi havo-tomchi yo‘li orqali yuqadi. Hozirgi vaqtda MERS-CoV’ga qarshi vaksinalar mavjud emas.
Izoh (0)