Janubiy Koreyaning Chonip shahridagi maktab-internat o‘qituvchisi hayot qadri haqida tushuncha berish maqsadida o‘quvchilar ko‘z oldida og‘maxonni o‘ldirib, yeb qo‘ydi. Bu haqda The Korea Times xabar bermoqda.
Ismi oshkor etilmayotgan 44 yoshli erkak, bir qator bolalar jonivorlarning asabiga tegib, ularni tahqirlaganini bilib qolganidan so‘ng o‘quvchilarning “aqlini kiritib qo‘yish maqsadida” shunday qilgan.
O‘qituvchi tomonidan jonivorning o‘ldirilishini yetti nafar bola tomosha qilgan. The Korea Times ma’lumotlariga ko‘ra, o‘qituvchi o‘quvchilar oldida axloqsiz so‘zlardan foydalanib gapirgan.
Yuz bergan hodisa haqida boshqa o‘qituvchilar xabar topganidan so‘ng, 44 yoshli o‘qituvchi internatni tark etishga majbur bo‘lgan. Shu darsda bo‘lgan o‘quvchilarning ota-onalari o‘qituvchi ustidan politsiyaga shikoyat qilishgan. Unga qarshi bolalarga shafqatsiz munosabatda bo‘lish moddasi bo‘yicha ish qo‘zg‘atilgan. O‘qituvchi qanday jazoga tortilishi mumkinligiga aniqlik kiritilmayapti.
Keyinroq o‘qituvchi o‘z qilmishi uchun bolalardan, ularning ota-onalari va o‘qituvchilardan kechirim so‘ragan. Bir qator o‘qituvchilarning qayd etishlaricha, maktabning bir qator xodimlari bolalardan bu hodisa haqida hech kimga churq etmaslikni so‘rashgan.
Izoh (0)