Hindiston shimoli-g‘arbidagi Rojaston shtatida yuz bergan qum bo‘roni tufayli 9 kishi halok bo‘ldi, deb xabar qiladi “RIA Novosti”.
“Katta tezlikdagi shamol Bikaner tumanida bo‘ronga aylangan hamda Jodxpur, Jaypur, Alvara, Bxaratpur va yaqin atrofdagi tumanlarga yoyilgan”, — dedi Jaypurdagi Hindiston meteorologiya departamenti vakili.
Bo‘ron bir soatga yaqin davom etgan. Eng ko‘p talafot ko‘rgan Bxaratpur tumanida 5 kishi halok bo‘lgan. Ulardan uch nafari qulab tushgan devor xarobalari ostida qolib ketgan.
Politsiya ma’lumotlariga ko‘ra, shamol shu qadar kuchli bo‘lganki, daraxtlarni ildizi bilan sug‘urib tashlagan. Ko‘plab uylar va yo‘llar buzilgan, elektr ta’minotida esa uzilishlar kuzatilmoqda.
Shtat bosh vaziri Vasudhara Raje jabrlanganlar uchun 400 ming rupiya (taxminan 6 ming dollar) tovon puli berishga qaror qildi.
Izoh (0)