Koreya Respublikasi aprel oyida Nepalda sodir bo‘lgan kuchli yer qimirlashi oqibatida vayron bo‘lgan obyektlarni tiklash ishlariga 10 million dollar ajratadi, deb xabar qiladi “TASS”.
“Hukumat bu pullar Nepal xalqiga ofat oqibatlarini tezroq bartaraf etish va mamlakat infratuzilmasini qayta tiklash ishlariga yordam berishiga umid qilmoqda”, — deyiladi Janubiy Koreya TIV xabarida.
Pullar xarobalarni tozalash, yangi binolar qurish, bundan tashqari jabrlanganlarga tibbiy yordam ko‘rsatishga sarflanadi.
Oldinroq Koreya Respublikasi Nepalga 1,48 million dollar yordam puli hamda 48 nafar qutqaruvchi va shifokorlarni jo‘natgandi.
25-aprel kuni Nepal poytaxti Katmanduda yuz bergan 7,9 balli zilzila natijasida 8 mingdan ortiq kishi halok bo‘ldi, 14 mingdan ortiq odam jabrlandi.
Izoh (0)