Germaniya Sloveniyaning Regional Dialogue notijorat nohukumat tashkiloti (NNT)ga “O‘zbekiston NNT salohiyatini oshirish” loyihasini amalga oshirish uchun 170 ming yevro grant taqdim etdi. Bu haqda UzDaily xabar bermoqda.
2015-yil 18-may kuni Germaniyaning O‘zbekistondagi Favqulodda va Muxtor Elchisi Naytxart Xyofer-Vissing va Regional Dialogue’ning O‘zbekistondagi vakolatxonasi rahbari Myusha Sever loyihani moliyalashtirish to‘g‘risida shartnoma imzoladi. Loyiha bir yil ichida amalga oshiriladi.
Sever ta’kidlashicha, loyiha faqat katta NNTlarga qaratilib qolmaydi, balki kichik NNTlar ham jalb etilishi rejalashtirilmoqda.
Loyiha doirasida beshta mintaqaviy seminar o‘tkaziladi, mahalliy NNTlar NNTlarni samarali boshqarish va moliyalashtirish, grant talabnomalarini to‘ldirish va boshqalar bo‘yicha bilimlarga ega bo‘ladi.
Izoh (0)