Avstraliyada 17-may kuni mops zotiga mansub ikki itning to‘y marosimi bo‘lib o‘tdi. The Daily Mirror’ning xabar berishicha, marosimga “kelin” 2 ming Avstraliya dollari (taxminan 1,6 ming AQSH dollari) qiymatidagi libosda kelgan.
Jasmin laqabli “kelin”ning libosi avtsraliyalik modelyer Kreyg Breybruk tomonidan tayyorlangani aytilmoqda. Jasper laqabli “kuyov”ning libosi esa melburnlik dizayner Godvin Xili tomonidan tikilgan.
Marosimda 60dan ortiq it va 350 kishi ishtirok etdi. Qayd etishlaricha, marosimga kirish pullik bo‘lgan. Ma’lum bo‘lishicha, mazkur tadbir xayriya aksiyasining bir qismi bo‘lib, undan tushgan pul uysiz itlarga yo‘naltiriladi.
Tadbirni tashkil etgan Pug Rescue and Adoption Victoria jamg‘armasi matbuot kotibi so‘zlariga ko‘ra, marosim chiptalari oldindan sotib bo‘lingan. Uning qo‘shimcha qilishicha, Jasmin va Jasper yetti yildan beri birga yashab kelayotgandi.
Aprel oyi o‘rtalarida Xitoy poytaxti Pekinda itlarning ommaviy to‘yi bo‘lib o‘tgani haqida xabar berilgandi. Shahar xiyobonlaridan birida bo‘lib o‘tgan marosimda 21 juft it “oila qurgandi”.
Izoh (0)