Qahva donachasi haqida hikoya
Biz uchun qahvani kashf qilgan echkilar haqidagi efiop ertagini hamma bilsa kerak? Siz-chi? Haqiqiy qahva shinavandasi bir chashka xushbo‘y NESCAFÉ® qahvasi ustida bu ertakni farzandlariga hikoya qilib berishi uchun uni albatta bilishi kerak. Ushbu afsonaning bir nechta talqini mavjud, biz ulardan eng to‘lig‘ini tanladik.
Efiopiyalik podachi Kaldi g‘ayrioddiy narsani sezib qolibdi: uning echkilari notanish daraxtdagi qizil mevalarni yeganidan so‘ng raqsga tushishni boshlar ekan. Podachi uyga shu daraxt mevasidan bir nechtasini olib kelib, ayoliga ko‘rsatibdi. Dovyurak ayol ularning ta’mini tatib ko‘ribdi, keyin tuni bilan uxlamasdan ro‘zg‘or ishlari bilan shug‘ullanibdi. Eriga esa “Azizim, boring-da, bu mevalar haqida butun taraqqiyparvar insoniyatga gapirib bering, ular ham uxlamasdan ishlasin”, — deb aytibdi. Biroq taraqqiyparvar insoniyat hamma narsani shubha ostiga qo‘yishga va ataylab buzishga odatlangan. Shu bois mevalarni ham olovga tashlabdi. So‘ngra jahl bilan ularni yanchibdi. Mevalardan butkul xalos bo‘lish uchun esa ko‘zachada turgan suvga cho‘ktiribdi. Shu tariqa, ushbu ajoyib rivoyatga ko‘ra qahva ichimligi paydo bo‘lgan ekan.
Dunyodagi birinchi eruvchan qahva, aksincha, kimyogar Maks Morgentaler boshchiligidagi NESTLÉ® kompaniyasi xodimlarining tirishqoqlik bilan uzoq vaqt davomida olib borgan faoliyatining natijasidir. 1930-yilda Braziliya hukumati ortiqcha qahva muammosini hal etish iltimosi bilan NESTLÉ® kompaniyasiga murojaat etadi. U paytlarda unchalik ham qimmat bo‘lmagan qahva narxining tushib ketishiga yo‘l qo‘ymaslik uchun hosilning bir qismi yo‘q qilinardi.
Mutaxassislarning oldiga qahva donlarini nafaqat saqlash va sanoat usulida qayta ishlash, balki ushbu ichimlikni yanada xushta’mroq qilish usulini ham izlab topish vazifasi qo‘yiladi va muammoning yechimi yetti yildan so‘ng topiladi. Maks Morgentaler qahva donlariga aynan yuqori haroratda ishlov berish qahvaning foydali xususiyatlarini saqlab qolgan holda uni iloji boricha uzoqroq saqlash imkonini berishini aniqladi.
1938-yilda Shveysariyaning Orb shaharchasida eruvchan NESCAFÉ® (qahvaning nomi “NESTLÉ” va “Café” so‘zlarining birikmasidan olingan) qahvasi solingan ilk bankalar konveyerdan chiqdi. U qahva donlaridan olinadigan qahva ekstraktini purkab quritish texnologiyasini qo‘llagan holda tayyorlangan edi. Shunday qilib, butun olam mavsumiy qahva donlariga, mintaqalarning soatiga, qahva daraxtlarini yetishtirib bo‘lmaydigan iqlim sharoitlariga bog‘liqlikdan xalos bo‘ldi. NESCAFÉ® barchaga har kuni tetiklashtiruvchi tongni hadya etgan holda boylarni ham, kambag‘allarni ham tenglashtirdi.
Ikki yil o‘tmasdan esa NESCAFÉ® dunyo miqyosida ommabop bo‘ldi. Bir necha yildan so‘ng NESCAFÉ® qahvalari dunyoning qirqta mamlakatida, beshta qit’ada sotila boshladi. Fransiya, Buyuk Britaniya, Amerika Qo‘shma Shtatlarida ishlab chiqarish fabrikalari ochildi. Mana, 75 yildan oshibdiki, butun dunyo bo‘ylab millionlab odamlar har tongni NESCAFÉ® bilan birga kutib oladi.
1953-yilda yangi zelandiyalik alpinist ser Edmund Xillari va nepallik sherpa Tensing Norgey jahonning eng yuqori nuqtasi – balandligi 8848 metrni tashkil etuvchi Everest tog‘iga ilk bor ko‘tariladi. Mazkur ekspeditsiyani alpinistlar NESCAFÉ® hamrohligida amalga oshirdi va NESCAFÉ® dunyo cho‘qqisini “zabt etgan” birinchi qahvaga aylandi. Bunda ham ramziy ma’no bor.
So‘ng sevimli qahvamiz yanada yuqoriroqqa ko‘tarildi. 1969-yilda Nil Armstrong va Appolon-11 ekspeditsiyasining boshqa a’zolari bilan birgalikda astronavtlarning ovqat ratsioniga kiritilgan holda NESCAFÉ® qahvasi Oyda bo‘lishga ham ulgurdi.
Ushbu ajoyib ichimlikning shonli tarixi – uning har bir chashkasida... U endi oddiygina qahva tushunchasi emas, balki NESCAFÉ® hamrohligidagi hayot tarzi, falsafa, mukamallikka va yangi his-tuyg‘ularga intilishdir!
Reklama huquqi asosida
