Qozog‘istonliklar Skype orqali vazirlar bilan muloqot qilish imkoniyatiga ega bo‘ldi

Qozog‘istonning www.egov.kz Elektron hukumat portali “Vazirning onlayn qabuliga yozilish” xizmatini ishga tushirdi, deb xabar qiladi “Nur.kz”.

Foydalanuvchi www.egov.kz’da ro‘yxatdan o‘tganidan so‘ng “Onlayn xizmatga buyurtma berish” xizmatini va davlat tashkilotini tanlaydi. Bu yerda davlat tashkilotlari birinchi rahbarlarining qabul ro‘yxatlari e’lon qilinadi. Shundan so‘ng foydalanuvchi istagan kunni hamda videokonferensiya o‘tkazilishi uchun o‘ziga qulay Aholiga xizmat ko‘rsatish markazi (AXM)ni tanlab, bog‘lanish uchun kontaktlarini qoldiradi va qabulga yoziladi.

Talabnoma qabul qilingan yoki rad etilganligi to‘g‘risidagi xabar foydalanuvchi ko‘rsatgan elektron manziliga keladi.

Qabulga yozilgan fuqaro belgilangan vaqtda AXMga kelishi shart.