AQShda 2 sportchi qanotli kiyimda sakrash vaqtida halok bo‘ldi

Taniqli beys-jamper Din Potter va uning sherigi Amerikaning Kaliforniya shtatidagi Yosemit bog‘ida vingsyut (qanotli kiyim)da sakrash chog‘ida halok bo‘ldi, deya xabar bermoqda Associated Press bog‘ ma’muriyatiga tayanib.

2,3 ming metr balandlikdagi tog‘dan sakramoqchi bo‘lgan 43 yoshli Potter va uning 29 yoshli sherigi Grem Xant 16-may, shanba kuni bedarak yo‘qoldi. Qidiruv operatsiyasi boshlandi.

Yakshanba kuni ertalab qutqaruv vertolyoti ekipaji ekstremallar jasadlarini topdi. Dastlabki ma’lumotlarga ko‘ra, har ikkala sportchida ham yerga qo‘nish vaqtida parashyutlar ochilmagan.

Beysjamping (inglizcha BASE jumping) — ekstremal sportning mahkamlangan obyektlardan maxsus parashyut bilan sakrash turidir.