Австралияда 17 май куни мопс зотига мансуб икки итнинг тўй маросими бўлиб ўтди. The Daily Mirror’нинг хабар беришича, маросимга «келин» 2 минг Австралия доллари (тахминан 1,6 минг АҚШ доллари) қийматидаги либосда келган.
Жасмин лақабли «келин»нинг либоси авцралиялик моделер Крейг Брейбрук томонидан тайёрлангани айтилмоқда. Жаспер лақабли «куёв»нинг либоси эса мелбурнлик дизайнер Годвин Хили томонидан тикилган.
Маросимда 60дан ортиқ ит ва 350 киши иштирок этди. Қайд этишларича, маросимга кириш пуллик бўлган. Маълум бўлишича, мазкур тадбир хайрия акциясининг бир қисми бўлиб, ундан тушган пул уйсиз итларга йўналтирилади.
Тадбирни ташкил этган Pug Rescue and Adoption Victoria жамғармаси матбуот котиби сўзларига кўра, маросим чипталари олдиндан сотиб бўлинган. Унинг қўшимча қилишича, Жасмин ва Жаспер етти йилдан бери бирга яшаб келаётганди.
Апрель ойи ўрталарида Хитой пойтахти Пекинда итларнинг оммавий тўйи бўлиб ўтгани ҳақида хабар берилганди. Шаҳар хиёбонларидан бирида бўлиб ўтган маросимда 21 жуфт ит «оила қурганди».
Изоҳ (0)