AQSh davlat kotibi Jon Kerri 16-may kuni Xitoyga tashrif buyurdi. Kerri ikki kun davomida Xitoyda bo‘ladi va bir qator rasmiy uchrashuvlar o‘tkazadi, deb xabar qiladi “Exo Moskvi”.
Xitoy Xalq Respublikasi poytaxtiga tashrifi davomida Jon Kerri yozda bo‘lib o‘tadigan “Strategik va iqtisodiy dialog” forumiga tayyorgarlik doirasida Xitoy rahbarlari bilan muzokara o‘tkazadi. Bundan tashqari, Xitoy yetakchisi Si Szinpinning kuzda AQShga rejalashtirilgan tashrifi ham muhokama qilinadi.
Pekindan so‘ng Kerri darhol Seulga yo‘l oladi. AQSh davlat kotibi Janubiy Koreya prezidenti Pak Kin Xe va respublikaning tashqi ishlar vaziri bilan uchrashadi. Tomonlar ikki tomonlama masalalar va qo‘shni KXDRdagi vaziyatni muhokama qiladi.
Kerri Xitoy tashqi ishlar vaziri Van I bilan bo‘lib o‘tgan qo‘shma matbuot anjumanida Xitoy hukumati Janubiy Xitoy dengizidagi keskinlikni kamaytirishi kerakligini aytib o‘tdi.
Eslatib o‘tamiz, Kerri Xitoyga borishdan oldin Rossiyada Vladimir Putin bilan uchrashgandi.
Izoh (0)