2015-yilning 14-may kuni O‘zbekiston Respublikasi Tashqi ishlar vaziri Abdulaziz Komilov AQSh Davlat kotibining harbiy-siyosiy masalalar bo‘yicha yordamchisining birinchi o‘rinbosari Todd Chapmanni qabul qildi. Bu haqda vazirlik matbuot xizmati xabar bermoqda.
Suhbat davomida ikki tomonlama aloqalarning dolzarb masalalari muhokama qilindi.
Muloqot chog‘ida tomonlarni qiziqtirgan turli sohalardagi hamkorlikni izchil rivojlantirishga qaratilgan O‘zbekiston-AQSh muloqoti konstruktiv xususiyatga egaligi ta’kidlandi.
Tomonlar mintaqaviy xavfsizlik masalalari yuzasidan fikr almashar ekan, Afg‘onistondagi vaziyat va boshqa xalqaro muammolarga alohida e’tibor qaratdi.
Uchrashuvda AQSh Elchisi Pamela Leora Spratlen ishtirok etdi.
Izoh (0)