Австралиялик таниқли аниматор Данкан Элмс ўтирган ҳолатдаги ҳаёт тарзининг асосий оқибатлари ҳақида ҳикоя қилувчи 60 сониялик видеони тайёрлади. Бу ҳақда TJ хабар бермоқда.
Муаллифнинг сўзларига кўра, ролик яқинда ўтказилган, 200 минг киши иштирок этган тадқиқот натижаларига асосланган. Ушбу тадқиқотга кўра, кунига 11 соат ўтирадиган одамларда эрта ўлим эҳтимоли кунига 4 соат ўтирадиган одамларга нисбатан 40 фоизга кўпроқдир.
Инсон ўтириши билан унинг организми ёғ парчалашни 90 фоизга секинлаштиради, инсулин даражаси тушиб кетади, қон босими эса, аксинча, кўтарилади. Куннинг асосий қисмини ўтириш билан ўтказадиган одамларда кардиоваскуляр касалликлар, диабет, семириш, кўкрак бези ва ичак саратонига чалиниш, шунингдек, мияда қон қуйқалари пайдо бўлиши эҳтимоли ошади.
Бу Элмснинг 60 сониялик илк ролиги эмас. Апрель ойида у актёр Киану Ривз иштирокида бир дақиқалик видео тайёрлаган, унда санъаткор Дееп Wеб ҳақида ҳикоя қилади.
2013 йили эса дизайнер биткоинлар қандай ишлашини тушунтирувчи уч дақиқалик роликни омма эътиборига ҳавола қилганди.
Изоҳ (0)