Buyuk Britaniyada liberal-demokratlar yetakchisi, hozirgi bosh vazir o‘rinbosari Nik Klegg, yevroskeptiklar yetakchisi Nayjel Faraj va leyboristlar yetakchisi Ed Milibend navbatma-navbat partiyalar raisligidan iste’foga chiqishini e’lon qildi, deya xabar bermoqda “Vedomosti”. Ular parlamentlik saylovlari natijalari ma’lum bo‘lgach, bir soat ichida bunday bayonotlar bilan chiqish qildi.
Bundan avvalgi saylovlarda liberal-demokratlar parlamentda 50 ta o‘ringa ega bo‘lib, konservatorlar bilan hukmron koalitsiya tarkibiga kirgan bo‘lsa, endi ularga atigi sakkizta mandat tegdi.
Ultrao‘ng Birlashgan Qirollik Mustaqil partiyasi esa parlamentda yagona o‘rinni qo‘lga kiritdi.
Leyboristlar 230 ta — o‘tgan saylovlardagidan 26 taga kam mandatga ega bo‘ldi, bu konservatorlar qo‘lga kiritgan o‘rinlardan ancha kamdir.
Izoh (0)