Буюк Британияда либерал-демократлар етакчиси, ҳозирги бош вазир ўринбосари Ник Клегг, евроскептиклар етакчиси Найжел Фараж ва лейбористлар етакчиси Эд Милибэнд навбатма-навбат партиялар раислигидан истеъфога чиқишини эълон қилди, дея хабар бермоқда «Ведомости». Улар парламентлик сайловлари натижалари маълум бўлгач, бир соат ичида бундай баёнотлар билан чиқиш қилди.
Бундан аввалги сайловларда либерал-демократлар парламентда 50 та ўринга эга бўлиб, консерваторлар билан ҳукмрон коалиция таркибига кирган бўлса, энди уларга атиги саккизта мандат тегди.
Ультраўнг Бирлашган Қироллик Мустақил партияси эса парламентда ягона ўринни қўлга киритди.
Лейбористлар 230 та — ўтган сайловлардагидан 26 тага кам мандатга эга бўлди, бу консерваторлар қўлга киритган ўринлардан анча камдир.
Изоҳ (0)