“Keksalarni e’zozlash yili” va 9-may − Xotira va qadrlash kuni munosabati bilan joylarda turli xil ma’naviy-ma’rifiy, musiqiy tadbirlar, shuningdek, ko‘rik-tanlovlar tashkil etilib, o‘tkazilmoqda.
Yaqindagina Mudofaa vazirligi tizimida ham “Siz bilan faxrlanamiz, faxriylar” deb nomlangan eng yaxshi plakat, rasm, panno, shuningdek biser, ip, toshlar bilan bezatilgan va xalq amaliy san’atining boshqa turlaridan iborat bo‘lgan ijodiy ishlar tanlovini e’lon qilgan edi. Kuni kecha Qurolli Kuchlar davlat muzeyida ana shu tanlov g‘oliblarini taqdirlash marosimi bo‘lib o‘tdi. Bu haqda Mudofaa vazirligi Mudofaa vazirligi Ma’naviyat va ma’rifat markazi “Daryo”ga ma’lum qildi.
Tanlov Mudofaa vazirligi, Madaniyat va sport ishlari, O‘zbekiston badiiy akademiyasi va “Kamolot” YoIH ishtiroki va ko‘magida tashkil etildi.
Ko‘rgazmada 30 ga yaqin muallifning 50 dan ortiq ijodiy ishlari namoyish etildi. Tanlov natijalariga ko‘ra, professional ijodkorlar orasida birinchilikni Kamoliddin Behzod nomidagi milliy rassomchilik va dizayn instituti o‘qituvchisi Rustam Xudoyberganov, havaskor ijodkorlar orasida Qurolli Kuchlar davlat muzeyi xodimi Shits Eduard g‘oliblikni qo‘lga kiritdi. Professional rassom va fotograflar tomonidan aniqlangan g‘oliblar diplom va qimmatbaho sovg‘alar bilan taqdirlandilar.
Izoh (0)