UZCARD kompaniyasi 20 yillik yubileyini nishonlash doirasida mamlakatning uzoq hududlarida ta’lim va texnik rivojlanishni qo‘llab-quvvatlashga qaratilgan ijtimoiy tashabbusini davom ettirmoqda.
Bu galgi loyiha doirasida uchta hududiy maktabda zamonaviy kompyuter sinflari jihozlandi:
- Buxoro viloyati Jondor tumanidagi 5-maktab
- Surxondaryo viloyati Bandixon tumanidagi 10-maktab
- Farg‘ona viloyati Toshloq tumanidagi 33-maktab
Ushbu maktablarning har biri uchun zamonaviy ta’lim sharoitlarini yaratish maqsadida kompyuterlar, printerlar va zaruriy jihozlar xarid qilindi.
Biz tez rivojlanayotgan texnologik taraqqiyot davrida har bir bola axborot texnologiyalariga oid bilim va ko‘nikmalarga ega bo‘lishi kerakligi muhimligini bilamiz.
Bizning maqsadimiz - chekka hududlardagi bolalarga kompyuter bilan ishlashni o‘rganish va ularga ko‘plab istiqbollarni ochadigan muhim ko‘nikmalarni egallash imkoniyatini taqdim etishdir.
Kompaniya bolalarga axborot texnologiyalari sohasidagi ko‘nikmalarni o‘zlashtirish imkoniyatini yaratishga harakat qilmoqda, bu esa ularga yangi istiqbollar ochadi. Bu bilimlar ularning kelajakdagi kasbiy faoliyati uchun poydevor bo‘lishi mumkin va, ehtimol, ular kompaniyamizning muhim mutaxassislariga aylanib, O‘zbekistonning fintex sohasini rivojlantirishga hissa qo‘shadilar.
Maktablarni kompyuter sinflari bilan jihozlash — bu kompaniyamizning 20 yillik yubileyi munosabati bilan yoshlarni qo‘llab-quvvatlash va rivojlantirishga qaratilgan tashabbuslaridan biridir.
Biz har bir bolaga o‘z salohiyatini namoyon etish imkoniyatini ta’minlashga intilib, mamlakatimiz kelajagiga faol sarmoya kiritishni davom ettirmoqdamiz.
UZCARD - O‘zbekistonning yetakchi milliy to‘lov tizimi hisoblanadi. Kompaniyaning asosiy maqsadi milliy to‘lov biznesi sohasida mahsulotlarni doimiy ravishda izlash, ishlab chiqish va takomillashtirishdan, zamonaviy xizmat ko‘rsatish tizimlarini modernizatsiya qilishdan hamda fintex sanoati doirasidagi xizmatlarni kengaytirishdan iborat.
- Sayt: uzcard.uz
- Facebook: fb.com/uzcard
- Instagram: @uzcard.uz
- Telegram: t.me/uzcard
Reklama huquqi asosida.
Izoh (0)