Koreya Respublikasida mehnat faoliyatini amalga oshirish uchun ketish tartibi haqida tushunchaga ega bo‘lishni istaganlarga O‘zbekiston Respublikasi Mehnat va aholini ijtimoiy muhofaza qilish vazirligining axborot xizmati mutaxassislari javob berdi, deb yozadi “Bekajon” gazetasi.
“Koreya Respublikasida ishlash istagini bildirgan fuqaro (18−39 yoshda bo‘lgan sog‘lom, sudlanmagan, koreys tilini biluvchi, avval Koreyada nolegal yurmagan va majburan Koreya davlatidan chiqarib yuborilmagan, chet elga chiqishi taqiqlanmagan) Koreya Respublikasining ‘Bandlikka ruxsat berish tizimi’ bo‘yicha koreys tilidan test sinovlarida qatnashishlari talab etiladi.
Test sinovlarida qatnashishdan oldin ommaviy axborot vositalarida e’lon berilib, test sinovlarida ishtirok etish uchun ro‘yxatga olish jarayoni amalga oshiriladi. Ro‘yxatga olingan fuqarolarga testga kirish uchun ruxsatnoma beriladi. Ro‘yxatga olish jarayonida fuqarolar 2 dona pasport nusxasi va 3,5×4,5 hajmdagi 2 dona fotosurat taqdim etishlari kerak bo‘ladi. Ro‘yxatga olish uchun to‘lov miqdori Koreya tomonidan belgilanadi. Bu taxminan 20–30 dollarni tashkil etadi”.
Izoh (0)