Корея Республикасида меҳнат фаолиятини амалга ошириш учун кетиш тартиби ҳақида тушунчага эга бўлишни истаганларга Ўзбекистон Республикаси Меҳнат ва аҳолини ижтимоий муҳофаза қилиш вазирлигининг ахборот хизмати мутахассислари жавоб берди, деб ёзади «Бекажон» газетаси.
«Корея Республикасида ишлаш истагини билдирган фуқаро (18−39 ёшда бўлган соғлом, судланмаган, корейс тилини билувчи, аввал Кореяда нолегал юрмаган ва мажбуран Корея давлатидан чиқариб юборилмаган, чет элга чиқиши тақиқланмаган) Корея Республикасининг ‘Бандликка рухсат бериш тизими’ бўйича корейс тилидан тест синовларида қатнашишлари талаб этилади.
Тест синовларида қатнашишдан олдин оммавий ахборот воситаларида эълон берилиб, тест синовларида иштирок этиш учун рўйхатга олиш жараёни амалга оширилади. Рўйхатга олинган фуқароларга тестга кириш учун рухсатнома берилади. Рўйхатга олиш жараёнида фуқаролар 2 дона паспорт нусхаси ва 3,5×4,5 ҳажмдаги 2 дона фотосурат тақдим этишлари керак бўлади. Рўйхатга олиш учун тўлов миқдори Корея томонидан белгиланади. Бу тахминан 20–30 долларни ташкил этади».
Изоҳ (0)