Britaniyalik aktyor Idris Elba Bentley Continental GT Speed avtomobili tezligini Uelsdagi Pendine Sands sohilida soatiga 180,361 milgacha yetkazdi, bu soatiga taxminan 290 kilometrga teng, deb yozadi “Motor.ru”. Shu tariqa xuddi shu joyda 1927-yilda Malkolm Kempbell tomonidan o‘rnatilgan rekord yangilandi.
88 yil avval Kempbell Bluebird II mashinasida tezlikni soatiga 174,8 mil (281 km)gacha yetkazgan edi.
Elba tezlik bo‘yicha rekordni Idris Elba: No Limits dasturi syomkasi vaqtida o‘rnatdi, u iyul oyida Discovery telekanali orqali efirga uzatiladi. Idrisning natijasi UK Timing Association tashkiloti tomonidan qayd etildi.
Izoh (0)