6-may kuni Germaniyaning Daimler avtokonserni dunyodagi birinchi o‘z-o‘zini boshqaruvchi yuk mashinasi taqdim etildi, uni AQShdagi jamoat yo‘llarida ishlatish uchun rasman ruxsat berilgan. Bu haqda TJournal xabar bermoqda.
Freightliner Inspiration Truck o‘z-o‘zini boshqara olsa-da, uni to‘liq haydovchisiz deb atab bo‘lmaydi: kabinada baribir kimdir doimiy ravishda bo‘lib turishi kerak.
Sinovlar chog‘ida Germaniya yo‘llarining 16 ming kilometrini muvaffaqiyatli tarzda bosib o‘tgan yuk mashinasi kameralar, sensorlar, radar va ular orqali olingan axborotga ishlov beruvchi ilg‘or kompyuter uskunalari bilan jihozlangan.
Mashina berilgan tezlikni saqlab turish, ma’lum polosadan chiqmay yurish, to‘siqlar qarshisida tormoz berish va potensial xavfli bo‘lgan yo‘l vaziyatlarida sekinlashish xususiyatiga ega.
Inspiration Truck haydovchisi vaqtning ko‘p qismida o‘z ishlari bilan shug‘ullanishi mumkin. Yuk mashinasi katta yo‘ldan kichik yo‘llarga o‘tishi yoki yukni tushirish uchun to‘xtashi kerak bo‘lgan paytlardagina uning e’tibori talab etiladi.
Ayni paytda yuk mashinasini sinash jarayonlari davom etmoqda, texnologiya qachon sotuvga chiqarilishi xabar berilmayapti.
Izoh (0)