Meksika texnologiya instituti tadqiqotchilari mast haydovchini ter bo‘yicha aniqlash usulini o‘ylab topdi, deya xabar bermoqda “3dnews.ru”.
Ular ishlab chiqqan AlcoStop qurilmasida maxsus datchiklar bo‘lib, ular qondagi spirtning avtomobilni boshqarish uchun xavfli bo‘lgan miqdorini aniqlaydi. Datchiklar rulda, uzatish qutisi dastasida, shuningdek kresloda bo‘ladi. Agar tizim avtomobilchining mastligini aniqlasa, dvigatelning ishga tushishiga yo‘l qo‘ymaydi.
Majmua smartfon yoki planshet bilan ulana oladi. Bu holda tegishli mobil dastur haydovchining shirakayfligi haqida uning qarindoshlari yoki hamkasblariga unga yordam berishi uchun avtomatik ravishda xabar yuboradi.
Tizim yaratuvchilari yil oxirigacha AlcoStop majmuasini sotishni yo‘lga qo‘yish uchun startap shakllantirmoqchi.
Izoh (0)