2015 йилнинг 30 апрель куни Ўзбекистон Республикаси Давлат солиқ қўмитаси биносида «Солиқ маъмурчилигининг ислоҳотлари ва уларнинг тараққиёти. Солиқ маъмурчилиги бўйича кўмаклашишга бўлган эҳтиёж» мавзусини муҳокама қилиш учун Халқаро валюта жамғармаси миссияси вакиллари билан учрашув бўлиб ўтди. Бу ҳақда Қўмита расмий сайти хабар берди.
Тадбир Ўзбекистон Республикаси Бош вазири томонидан тасдиқланган, Халқаро валюта жамғармаси миссиясининг (2015 йил 29 апрель – 14 май) Ўзбекистон Республикасига бўладиган ташрифи Дастурига мувофиқ ўтказилди.
Учрашувда солиқ маъмурчилигини такомиллаштириш, солиқ сиёсатини ислоҳ қилиш, солиқ юкини енгиллаштириш, солиқ солиш базасини кенгайтириш ва янги иш ўринларини яратишга йўналтирилган чоралар билан боғлиқ масалалар ҳамда Давлат солиқ қўмитаси томонидан интерактив давлат хизматларини кўрсатиш масалалари ва уларнинг солиқ маъмурчилиги ва солиқ солиш базасини кенгайтиришдаги ўрни муҳокама қилинди
Изоҳ (0)