2015-yilning 30-aprelida Galaxy Bowling klubida bouling bo‘yicha Paralimpiya Kubogi bo‘lib o‘tdi, deb xabar beradi O‘zbekiston milliy paralimpiya assotsiatsiyasi matbuot xizmati.
Turnirda paralimpiyachi sportchilar va milliy estrada yulduzlari ishtirok etdi. Musobaqaning asosiy maqsadi O‘zbekistonda paralimpiya harakatini rivojlantirish va xalqaro turnirlar oldidan paralimpiyachilarni qo‘llab-quvvatlashdir.
Paralimpiya Kubogida paralimpiyachi sportchilar — Davron Xidirov, Olga Kamilova, Gulmira Dadajonova hamda Oybek va Nigora duetidan iborat jamoa g‘olib chiqdi.
O‘zbekiston milliy paralimpiya assotsiatsiyasi, O‘zbekiston kegel sporti federatsiyasi, Galaxy Bowling va Ucell kompaniyasi turnirga tashkilotchilik qildi.
Izoh (0)