Facebook kompaniyasi xabar almashinuvi uchun mo‘ljallangan Messenger mobil dasturiga videoqo‘ng‘iroqlarni amalga oshirish imkoniyatini qo‘shdi, deya xabar bermoqda kompaniya matbuot xizmati.
Tegishli belgicha Messenger interfeysida paydo bo‘ldi, suhbatni boshlash uchun uni bosish kifoya. Dastur foydalanuvchilari videoaloqani suhbatdoshlardan birida iOS, boshqasida Android-qurilma bo‘lgan taqdirda ham ishlatishi mumkin bo‘ladi.
Videoqo‘ng‘iroqlarni birinchilardan bo‘lib Belgiya, Buyuk Britaniya, Daniya, Fransiya, Gretsiya, Irlandiya, Kanada, Laos, Litva, Meksika, Nigeriya, Norvegiya, Ummon, Polsha, Portugaliya, AQSh, Xorvatiya va Urugvay kabi 18 ta davlatdagi iOS va Android boshqaruvidagi mobil qurilmalar foydalanuvchilari sinab ko‘rishga muvaffaq bo‘ldi. Keyingi oylardan Facebook ushbu ro‘yxatni kengaytirish niyatida.
Izoh (0)