Apple kompaniyasi har yili Yer kunini faol nishonlab keladi, kompaniya qarorgohidagi bu yilgi tadbir esa har qachongidan ham muvaffaqiyatli o‘tdi. Hi-tech.mail.ru xabariga ko‘ra, Apple ushbu tadbirga Apple Watch aqlli soatining dastlabki sohiblaridan biriga aylangan taniqli qo‘shiqchi Farell Uilyamsni taklif qildi.
https://youtu.be/8txCwPvdRyU
Qo‘shiqchining mashhur “Happy” qo‘shig‘i ijrosidan ilhomlanib ketgan Apple rahbarlari – Tim Kuk, Fil Shiller va Eddi Kyu ham o‘zlarini tuta olmay, xodimlari bilan birga raqsga tushib ketishdi. Guvohlarning so‘zlariga ko‘ra, kompaniyaning boshqa mansabdorlari ham hamkasblari bilan birga xursandchilik qilishgan.
Apple kompaniyasi atrof-muhitni muhofaza qilish masalalari bo‘yicha faol kompaniyalardan biri hisoblanadi hamda Yer kuni va boshqa shunga o‘xshash sanalarga bag‘ishlangan xayriya tadbirlarini muntazam ravishda o‘tkazib keladi.
Farellning joriy tadbirdagi ishtiroki, qaysidir ma’noda, kutilgan voqea bo‘ldi, chunki xonandaning kompaniya bilan yaxshi munosabatlari bor. Apple Watch’ni qo‘lga kiritgan boshqa taniqli estrada yulduzlari bu kungi tadbirda ko‘rinish berishmadi.
Apple rahbari Tim Kuk esa Farell Uilyamsning tadbirdagi ishtiroki uchun Twitter-akkaunti orqali minnatdorchilik bildirdi.
Izoh (0)