Google kompaniyasining yuqori martabali vakili Deniel Fredinburg Nepaldagi kuchli zilzila natijasida yuz bergan Everestdagi qor ko‘chkisi qurboni bo‘ldi. Bu haqda RBC.ru xabar bermoqda.
Fredinburg Everestni zabt etish bo‘yicha guruh tarkibida bo‘lgan, uning o‘limi haqida ekspeditsiyani tashkil qilgan Jagged Globe kompaniyasi saytida xabar berilgan.
Xabarda qayd etilishicha, ko‘chki natijasida ekspeditsiyaning yana ikki a’zosi hayot uchun xavfli bo‘lmagan jarohatlar olgan. Fredinburgning o‘limini uning ijtimoiy tarmoqlardagi akkauntlari orqali singlisi ham tasdiqlagan.
This is Dans little sister Megan. I regret to inform all who loved him that during the avalanche on… https://t.co/TWFLksGSdf
— Dan Fredinburg (@danfredinburg) April 25, 2015
Fredinburg 2007-yildan beri Google’da ishlab kelardi. U Google X laboratoriyasidagi maxfiylik masalalari uchun mas’ul edi.
Ma’lumot uchun, 25-aprel kuni ro‘y began, epitsentri Nepal poytaxti Katmandudan 82 kilometr masofada joylashgan 7,4 magnitudali zilzila natijasida halok bo‘lganlar soni 1,9 mingdan oshib ketdi.
Zilzila natijasida Katmanduning tarixiy markazidagi qator binolar buzilgan. Shuningdek, Hindistonda bir necha o‘nlab odam halok bo‘lgani, Xitoy va Bangladeshda ham qurbonlar borligi aytilmoqda.
Zilzila oqibatida Everestda qor ko‘chkisi ro‘y berdi. Reuters’ning xabar berishicha, hozirgacha Everestda 18 nafar alpinistning jasadi topilgan.
Izoh (0)