Arab koalitsiyasi harbiy aviatsiyasi dushanba kuni Yaman poytaxti Sana shahridagi isyonchi-xusiylarning raketa omboriga bergan aviazarbalar natijasida, dastlabki ma’lumotlarga ko‘ra, 15 kishi halok bo‘lgan, 45 kishi turli darajada tan jarohatlari olgan. Bu haqda “RIA Novosti” xabar bermoqda.
Boshqa arab OAVlari guvohlarning ko‘rsatmalariga asoslanib xabar berishicha, ittifoqchilar aviatsiyasi Sanada xalqaro huquq bilan taqiqlangan qurollardan foydalangan bo‘lishi mumkin.
Aviazarbalarning guvohlari so‘zlariga ko‘ra, shahar uzra achchiq tutun ko‘tarilgan, odamlar vahimada uy-joylarini tashlab chiqishmoqda.
Saudiya Arabistoni o‘z ittifoqchilari bilan 26-mart kuni Yamanda amaldagi prezidentni ag‘dargan isyonchi-xusiylarga qarshi qaratilgan “Qat’iyat bo‘roni” nomi ostida harbiy operatsiya boshlagan edi. Operatsiya davomida bir necha yuzlab tinch aholi vakili halok bo‘ldi.
Izoh (0)