Rossiya moliyaviy monitoring federal xizmati banklar ma’lum mamlakatlarda yashovchi mijozlarning barcha operatsiyalari to‘g‘risida xabar berishi kerakligi haqidagi ma’lumotni rad etdi, deb yozadi “TASS” federal xizmat matbuot markaziga tayanib.
“Banklar ma’lum bir ro‘yxatdagi mamlakatlar rezidentlari bilan bo‘ladigan operatsiyalar haqida Rossiya moliyaviy monitoring xizmatiga xabar berishi kerak emas. Biz bunday ro‘yxat mavjudligini rad etamiz”, — dedi matbuot xizmati vakili.
Idorada aniqlik kiritishlaricha, tashkilotning 2015-yil 1-aprelidagi noodatiy bank operatsiyalarini aniqlash va fosh qilish mezonlarini ishlab chiqish bo‘yicha tavsiyalar keltirilgan xati haqiqatan bor, biroq u banklarga emas, nokredit moliya tashkilotlariga joriy etiladi.
Eslatib o‘tamiz, avvalroq Rossiya moliyaviy monitoring federal xizmati 41 ta davlatga qarshi bank sanksiyalarini kiritgani, endi banklar Rossiyaga nisbatan sanksiyalarni qabul qilgan, terrorizmni qo‘llab-quvvatlaydigan va korrupsiyaga qarshi kurashmaydigan mamlakatlarda yashovchi mijozlarning barcha operatsiyalari haqida xabar berishi shartligi ma’lum qilingan edi.
Izoh (0)