Kuba fuqarolari 14 oydan buyon Kuba inqilobi yetakchisi Fidel Kastroni ko‘rmagan edi. 88 yoshli Kastroning yangi fotosuratlari Kuba OAVlari tomonidan tarqatildi, deb yozadi “Exo Moskvi”.
Suratlarda ko‘k sport kiyimi va qora beysbolkadagi sobiq davlat rahbari mikroavtobusda o‘tirganini ko‘rish mumkin. U ochiq oynadan uzatilgan qo‘llarni siqmoqda, ko‘chada esa odamlar inqilob yetakchisi bilan suhbatlashish uchun to‘planib turganini ko‘rish mumkin.
“Gramma” kompartiyasi gazetasi yozishicha, Kastro shu tariqa Venesuela delegatsiyasi bilan salomlashgan. U uchrashuv bo‘lib o‘tayotgan maktabga kelib, direktor bilan gaplashgan. Ushbu uchrashuv ishtirokchilari o‘z hislarini yashirib o‘tirmay, “Fidel tirik ekan”, — deya quvongan.
Fidel Kastro uzoq vaqt davomida ko‘rinish bermaganida, Kubaning rasmiy OAVlari bir necha marta inqilob yetakchisi o‘limi to‘g‘risidagi mish-mishlarni rad etgan edi. Ba’zi g‘arb OAVlari esa uning sog‘lig‘i joyida emasligini yozmoqda.
Izoh (0)