AQSh Eron 2-aprel kuni Lozannada erishilgan kelishuvga rioya qilsa, unga kiritilgan sanksiyalar bekor qilinishiga kafolat berdi, deb yozadi “Yevropeyskaya Pravda” nashri.
Bu haqda AQSh prezidenti Barak Obama Vashingtonda payshanba kuni tarqatilgan xalqqa murojaatida aytib o‘tdi.
“Ushbu bitim ishonchga asoslanmaydi, u nazorat poydevoriga quriladi”, — deya ta’kidladi Obama va Eronda har qanday davlatdagidan ko‘ra ko‘proq tekshiruvlar olib borilishini qo‘shimcha qildi. Uning aytishicha, G‘arbning bunga javobi sanksiyalarni bekor qilish bo‘ladi.
Sanksiyalarni kuchsizlantirish asta-sekinlik bilan amalga oshadi va Eronning bitimga rioya qilishiga bog‘liq bo‘ladi. Shu bilan birga, Obama so‘zlariga ko‘ra, Eronda inson huquqlari buzilishi va ballistik raketa ishlab chiqilishiga aloqador sanksiyalar to‘liq kuchda qoladi.
Eslatib o‘tamiz, 2-aprel kuni Eron va xalqaro vositachilar “oltiligi” Eron yadro dasturi bo‘yicha siyosiy kelishuvga erishdi. Bitimni tayyorlash jarayoni 30-iyungacha yakunlanadi. AQSh Davlat departamenti bayonotida aytilishicha, Eron yadro dasturi ustidan nazorat turli yo‘nalishlar bo‘yicha 10 yildan 25 yilgacha davom etadi.
Izoh (0)